SAMPIOENMINESTRONE MET PECORINO-KRUMMEL

SAMPIOENMINESTRONE MET PECORINO-KRUMMEL

 

SOP

90 ml (6 e) olyfolie

1 ui, fyngekap

2 knoffelhuisies, fyngekap

100 g spekrepies, in blokkies gesny

5 vars lourierblare

1 takkie roosmaryn

45 ml (3 e) vars pietersielie, gekap

500 ml (2 k) beesvleisaftreksel

1 kg gemengde sampioene, grof gekap

2 x 410 g blikke barlotti-bone, gedreineer

Sout en varsgemaalde peper

PECORINO-KRUMMEL

½ ciabatta

 ‘n hand vol vars pietersielie

1 takkie roosmaryn, van die takkie afgestroop

Fyn gerasperde skil van 1 suurlemoen

30 ml (2 e) olyfolie

15 ml (1 e) botter

4 eksotiese sampioene, in skyfies gesny

100 g repiesspek, fyngekap

2 knoffelhuisies, fyngekap

pecorinokaas

Varsgemaalde peper

 

SOP

Verhit die olie in ‘n kastrol en braai die uie en knoffel tot sag.

Voeg die spek by en roerbraai tot gaar. Roer die speserye by en roerbraai vir nog ‘n minuut.

Voeg die sampioene en aftreksel by en kook vir 10 min.

Voeg die boontjies by en verhit tot kookpunt. Kook stadig vir 5 min.

Haal die roosmaryn en lourierblare uit en geur die sop met sout en varsgemaalde peper na smaak.

PECORINO-KRUMMEL

Krummel die ciabatta in klein stukkies. Kap die kruie fyn op. Rasper die suurlemoenskil fyn.

Verhit die olyfolie en botter in ‘n pan en braai die sampioene tot gaar. Skep uit en hou eenkant.

Braai die spek tot bros, voeg die knoffel by en roerbraai tot geurig.

Voeg die krummels by en roerbraai tot goudbruin en bros – voeg nog ‘n bietjie olyfolie by indien nodig.

Haal die pan van die hitte af en roer die spek, sampioene, kruie, suurlemoenskil en pecorino by. Geur met varsgemaalde peper.

VIR VOORSIT

Skep die sop in bakkies op en sprinkel die krummel oor.

Minki JoubertComment