Bone-en-varkbredie met gremolata

Resep deur Herman Lensing

Herman sê: “Winter of somer, maak nie saak nie, ek geniet ’n bredie. Vat die kortpad met jou stoompot en jy het binne minute kos op die tafel.”

Genoeg vir 6

1,2 kg ryp, vars tamaties

sonneblomolie vir braai

1 kg varklies repe, vel verwyder en stukke gesny

1 ui, fyngekap

2 preie, gesny

2 ml fyn gemmer

3 kardemomsade

5 ml koljandersade

6 peperkorrels

7 ml vinkelsade

7 ml droë tiemie

3 knoffelhuisies

1 rooi brandrissie

200 ml witwyn

15 ml suiker

sout en varsgemaalde swartpeper na smaak

15 ml blatjang

12 x 410 g-blikke botter bone, gedreineer

Dompel die tamaties in kookwater. Laat staan vir so 3 minute. Verwyder die skil en sny in kwarte. Verhit die sonneblomolie in ’n groot stoompot tot warm. Braai die vleis mooi bruin. Voeg nou die ui en preie by en braai ook tot lekker bruin. Kap die gemmer, kardemom, koljander, peper, vinkel, tiemie, knoffel en brandrissie saam in ’n vysel tot ’n pasta. Gooi die pasta by die vleis en meng goed. Voeg die tamaties, wyn en suiker by en geur met sout en swartpeper. Maak die pot toe met deksel en bring tot volstoom. Laat stoom vir 1 uur. Laat stoom uit die pot. Voeg die blatjang en botterbone by en meng deur. Sit voor in ‘n mooi opdienbak van jou keuse. Geniet! Sit bredie voor met rys en gremolata (sien onder).

GREMOLATA

fyngerasperde skil van 2 suurlemoene

4 knoffelhuisies, fyngekap

2 hande vol pietersielie, fyngekap

Meng al die bestanddele goed en besprinkel oor ‘n gereg van jou keuse.